Home / Bota / Nigeria nis sulmin për shkatërrimin e Boko Haramit

Nigeria nis sulmin për shkatërrimin e Boko Haramit

Presidenti i Nigerisë, Goodluck Jonathan, tha se shpreson që i gjithë territori i marrë nga grupi militant Boko Haram do të çlirohet brenda një muaji. Në një intervistë për BBC, Jonathan tha se ky grup terrorist po dobësohet nga dita në ditë, por gjithashtu pranoi se forcat e sigurisë reaguan ngadalë ndaj përparimit fillestar të Boko Haramit në verilindje të vendit.

1426851123jonathan-goodluckSipas ushtrisë nigeriane, kohët e fundit janë shënuar një sërë fitoresh ndaj Boko Haramit. Si pasojë e dhunës që prej vitit 2012, në Nigeri janë vrarë më shumë se 15 500 persona.

“Shpresoj që brenda një muaji ne të rimarrim kontrollin e zonave që janë pushtuar nga Boko Harami. Nuk e prisnim që ky grup të kishte aftësi të tilla. E nënvlerësuam influencën e tyre të jashtme dhe nuk ishim të përgatitur për një luftë të tillë”, deklaroi Jonathan.

Intervista e presidentit vjen vetëm pak ditë para zgjedhjeve presidenciale në vend, të cilat ai tha me bindje se do i fitojë.

Presidenti gjithashtu foli për 219 vajzat e rrëmbyera nga Boko Harami në Çibuk vitin e shkuar. Sipas Jonathan, ato janë gjallë dhe autoritetet do të arrijnë t’i gjejnë.

Leave a Reply

Your email address will not be published.