Home / Politika / Basha: 22 marsi 1992, dita e triumfit të demokracisë

Basha: 22 marsi 1992, dita e triumfit të demokracisë

Kryetari i Partisë Demokratike, Lulzim Basha e cilësoi sot 22 marsin 1992, si ditën e shënuar të triumfit të demokracisë mbi tiraninë, ditën e fitores së lirisë dhe vlerave të saj mbi antivlerat.popull

Përmes një postimi në rrjetin social “Facebook”, Basha u shpreh se, “një sfidë tjetër i gjen shqiptarët të përbashkuar në këtë 23 vjetor”. “Përballja pa kthim dhe fitorja ndaj krimit në pushtet dhe dhunimit të vlerave të lirisë dhe demokracisë, rrënimit të ekonomisë dhe rritjes së varfërisë”, shkruan ai.

Shqiptarët të bashkuar në 22 marsin e 1992, sipas Bashës, ia dolën të fusin Shqipërinë në familjen e vendeve demokratike të Europës dhe ta shkëpusin njëherë e përgjithmonë vendin nga diktatura komuniste. “Me shqiptarët përsëri të bashkuar do t`i japim vendit të ardhmen që meriton, punë, siguri dhe dinjitet për çdo shqiptar”, shprehu bindjen kreu i PD-së.

Në 22 mars 1992, Partia Demokratike fitoi zgjedhjet parlamentare, duke marrë një fitore masive në mbarë vendit, gjë që përmbysi një herë e përgjithmonë regjimin diktatorial.

Leave a Reply

Your email address will not be published.