Qeveritare

Rama në Sarandë, inspekton punimet për ndërtimin e një landfilli rajonal

Kryeministri Edi Rama inspektoi të dielën punimet për ndërtimin e një landfilli rajonal për menaxhimin e mbetjeve të ngurta urbane për bregdetin e jugut në Bajkaj të Sarandës.

Në një postim në rrjetin social “‘Facebook”, kryeministri Rama bën të ditur se përmes këtij investimi të qeverisë, çelet rruga për zhdukjen e gangrenës 25-vjeçare të krijuar nga plehrat e hedhura kudo nëpër zonën e mrekullueshme turistike të Shqipërisë.

“Sot në Bajkaj ku ka përfunduar në kohë rekord investimi për fushën teknogjike të mbledhjes dhe përpunimit të plehrave të bashkive të reja të bregut jonian. Çelet rruga për zhdukjen e gangrenës njëzetepesë vjeçare të krijuar nga plehrat e hedhura kudo nëpër zonen e mrekullueshme turistike të Shqipërisë. Me plehrat e përpunuara në fushën teknologjike do të prodhohet edhe energji e gjelbër për nevojat e këtij impianti modern si edhe të zonës përreth”, shkruan Kryeministri Rama në ‘Facebook’.

Gjatë qëndrimit në Sarandë, kryeministri inspektoi edhe punimet për impiantin e trajtimit të ujërave të zeza, i cili synon zgjidhjen përfundimtare nga ndotja e ujërave dhe shkarkimin e tyre në bregdetin e Sarandës dhe Ksamilit.

Në Sarandë kreu i qeverisë, Rama vizitoi edhe kurorën e gjelbër të qytetit, ku qeveria, nëpërmjet investimeve synon pyllëzimin dhe gjelbërimin e kurorës së Sarandës.

Related Articles

Leave a Reply

Your email address will not be published. Required fields are marked *

Back to top button