Europa

Kush ishte piloti që e rrëzoi qëllimisht aeroplanin gjerman

Andreas Lubitz, bashkëpiloti në aeroplanin e kompanisë “Germanwings” në fluturimin 4U 9525 dyshohet se e ka rrëzuar qëllimisht avionin. Po kush ishte 28-vjeçari me shtetësi gjermane?

Piloti-france-e1427379092790Lubitz ka jetuar në qytetin gjerman Montabaur dhe në klubin ajror ishte anëtarësuar shumë i ri për të realizuar ëndrrën e tij për tu bërë pilot, thuhet në sajtin e klubit LPC.

Lubitz ishte njëri nga pilotët më të mirë në botë në testet kualifikuese dhe shumë shpejt pas përfundimit të trajnimit ai filloi të punonte.

Lubitz ka qenë i punësuar në kompaninë “Germanwings” nga shtatori i vitit 2013 dhe kishte një bagazh prej 630 orë fluturimesh, ka thënë zëdhënësja e “Lufthansas”.

Siç raporton “Time”, miqtë e tij e njohin atë si “relativisht të qetë, djalosh të shoqërueshëm”.

Herën e fundit kishte shkuar në qytetin e lindjes për të marrë leje për një varkë me vela dhe aso ohe nuk kishte treguar asnjë shenje se ai mund të ishte në depresion.

“Ka qenë i lumtur për shkak të punës në kompani dhe i shkonte mirë. Gjithmonë ta jepte përshtypjen e njeriut të lumtur dhe të kënaqur”, ka thënë kolegu i tij nga klubi aeronautik, Peter Recker.

Të dhënat nga kutia e zezë treguan se bashkëpiloti ka mbetur i mbyllur në kabinë dhe se “qëllimisht e ka drejtuar avionin nga toka, me qëllim që ta rrëzojë”.

“Qëllimisht ka refuzuar t’ia hapë derën pilotit. Kjo nuk është fatkeqësi”, ka thënë prokurori i Marseillet, Brice Robin.

Related Articles

Leave a Reply

Your email address will not be published. Required fields are marked *

Back to top button