Amerika

Tjetër telash për Clinton, e-mail nga iPad dhe Blackberry

Hillary Clinton, kandidate e mundshme në zgjedhjet presidenciale të Shteteve të Bashkuara, u ka dërguar e-mail bashkëpunëtorëve të saj kur ishte sekretare e Shtetit me një tabletë iPad dhe celular Blackberry.

clinton-celulariKështu tregojnë dokumente të siguruara nga agjencia e lajmeve “Associated Press”, që përgënjeshtrojnë kështu deklaratat e derimësotme të ish-Zonjës së Parë se kishte përdorur ekskluzivisht një adresë poste elektornike në një server personal, për të udhëtuar me një dispozitiv elektronik të vetëm.

Në fillim të muajit ish-shefja e diplomacisë amerikane u akuzua gjithashtu për shkelje të rregullores, pasi u kishte dërguar mesazhe vartësve të saj nga një adresë personale e-maili.

Nga ana e saj, Clinton e pranoi se deri diku kritikat qëndronin, por nga ana tjetër këmbënguli se nuk ka thyer rregulla ose ligje duke përdorur llogarinë e saj personale, duke bërë të qartë se pas këtij fakti nuk fshihet asnjë qëllim i dyfishtë.

Megjithatë, republikanët në Kongres kanë kërkuar transparencë duke pretenduar se Clinton mund të ketë shkelur rregulloret e qeverisë, nëse jo ligjet federale.

Kjo polemikë ka tendosur edhe marrëdhëniet me administratën “Obama”, e cila është gjendur përballë faktit se duhet të japë përgjigjen e të ashtuquajturit “skandali i email-eve të Clinton”.

Nga ana e saj, ish-sekretarja e Shtetit iu përgjigj kritikave duke u bërë thirrje autoriteteve që të publikojnë mesazhet e postës së saj elektronike, duke theksuar se nuk ka asgjë për të fshehur.

Related Articles

Leave a Reply

Your email address will not be published. Required fields are marked *

Back to top button