Protesta e PD në Vlorë, Basha: Bashkë kundër krimit veshur me pushtet, të ndalim të keqen

Partia Demokratike mban protestën e radhës sot në qytetin e Vlorës. Lajmin e ka dhënë vete kreu i PD­-së, Lulzim Basha përmes një postimi në faqen e tij zyrtare të Facebook, duke ftuar gjithë qytetarët t’i bashkohen kësaj proteste popullore.

“Ne orën 11:00 në Vlorë. Bashkë me qytetarët kundër varfërisë, kundër padrejtësisë, kundër dhunës, kundër krimit të veshur me pushtet dhe për të ndalur të keqen që ka pushtuar vendin”­, shkruan Basha. Ndërkohë protesta paraardhëse e PD-së u zhvillua dy ditë më parë në qytetin e Shkodrës.