Deputeti i PDIU-së, Dashamir Tahiri në protestën e Partisë Demokratike në Vlorë
Në protestën e Partisë Demokratike ishte i pranishëm edhe deputeti i PDIU-së, Dashamir Tahiri. Dalja e tij në mbështetje të opozitës nuk është shumë e qartë nëse PDIU po përçahet, apo kjo forcë politike nuk ka mundur që të arrijë një marrëveshje me të majtën, për zgjedhjet vendore të 21 qershorit.
Disa ditë më parë kreu i PDIU-së, Shpëtim Idrizi deklaroi se do futet në zgjedhje me Partinë Socialiste. Ndërkaq, nga Vlora, Dashamir Tahiri tha se nuk e mbështet mënyrën e qeverisjes nga dyshja Rama-Meta. “Qeveria e PS-së na ktheu në vitet e komunizmit.
Mazhoranca ka dëmtuar ekonominë dhe bëri thirrje për bashkim me PD-në. Kemi dy vjet që i provuam dhe na çuan prapë si para 90-ës, prandaj nuk ka rëndësi të majtë e të djathtë. Ekonomia ka vetëm një ngjyrë dhe ekonominë e keni parë si e kanë katandisur, prandaj ju bëj thirrje të bashkohemi bashkë”, apeloi Dashamir Tahiri nga Vlora.
