Ekonomia

INSTAT: Në maj eksportet u rritën me 11 %

 eksportNë muajin maj 2014 eksporti i mallrave arriti vlerën 25 miliard lekëve, duke u rritur me 8,7 % në krahasim me Maj 2013 dhe 11 % në krahasim me prill 2014. Rritje më të madhe vjetore ka patur në eksportet e grupeve “materiale ndërtimi dhe metale” me 58,7 %, “tekstile dhe këpucë” me 24 % dhe “produkte kimike dhe plastike” me 19,6 %. Ulje më të madhe vjetore pati eksporti i grupit “minerale, lëndë djegëse, energji elektrike” me 12,6 %.

Në muajin maj 2014 importi i mallrave arriti vlerën 48 miliard lekëve, duke u rritur me 6,7 % në krahasim me maj 2013 dhe 8,7 % në krahasim me prill 2014. Rritje më të madhe vjetore ka patur në importet e grupeve “lëkurë dhe artikuj prej tyre” me 31,8 %, “makineri, paisje dhe pjesë këmbimi” me 15,7 % dhe “materiale ndërtimi dhe metale” me 14,8 %. Ulje më të madhe vjetore pati importi i grupit: “produkte kimike dhe plastike” me 10,3 %.
Defiçiti tregtar i këtij muaji është 23 miliard lekë, duke shënuar një rritje me 4,5 % krahasuar me maj 2013 dhe 6,2 % në krahasim me prill 2014 . Shkëmbimet tregtare me vendet e BE zënë 63,6 % të të gjithë tregtisë. Partnerët kryesorë tregtarë janë Italia me 34,1 %, Greqia 8,5 %, Turqia 8,1 % dhe Kina 6,8 %.

Related Articles

Leave a Reply

Your email address will not be published. Required fields are marked *

Back to top button