Home / Kosova / Mandatari, subjektit që ka më shumë deputetë në Kuvend

Mandatari, subjektit që ka më shumë deputetë në Kuvend

Kryeministri-i-Kosoves-Hashim-Thaçi-ARKIV-524x350Gjykata Kushtetuese ka dhënë verdiktin se presidenti i shtetit mund ta caktojë mandatarin për kryeministër vetëm në konsultim me partinë ose koalicionin që ka fituar shumicën në Kuvend, ka thënë një burim i gazetës jashtë kësaj gjykate.

Sipas tij, një e drejtë e këtillë nuk u njihet edhe koalicioneve paszgjedhore.

Kushtetuesja ka vendosur të hënën për rastin e parashtruar nga presidentja Atifete Jahjaga, përkitazi me vlerësimin e përputhshmërisë së nenit 84 me nenin 95 të Kushtetutës, që i referohen mandatarit të Qeverisë. E ka kumtuar këtë lajm, por nuk ka treguar se cila është përgjigjja që ka dhënë në pyetje, shkruan Koha Ditore.

Në njoftimin adresuar medieve vetëm është thënë se gjykata do ta publikojë vendimin në ditët në vijim.

Gazeta ka kontaktuar edhe një burim brenda Kushtetueses, por ai ka refuzuar të flasë për përmbajtjen e verdiktit. Për përmbajtjen ka thënë se do të publikohet të martën, ose më së largu të mërkurën.

[yop_poll id=”2″]

Leave a Reply

%d bloggers like this: