Rajoni

Greqia, bashkëpunim me Italinë dhe Spanjën mbi një plan të përbashkët për emigracionin

Greqia, Italia dhe Spanja po orientohen drejt një plani të përbashkët, nën kujdesin e BE, për përballimin e fluksit të refugjatëve, siç e informoi parlamentin ministri i brendshëm Nikos Voutsis, ndërsa theksoi se qeveria greke ka hartuar faktikisht një plan kombëtar veprimi, i cili do të komunikohet brenda ditëve të ardhshme.

emigrantet-e-paligjshemMinistri theksoi gjithashtu se në kuadër të punës përgatitore për planin, siç u konkludua në ministeralin e së hënës në Luksemburg, komisioneri për emigracionin Dimitris Avramopulos do të zhvillojë takime me ministrat e të tre vendeve.

Siç shpjegoi Voutsis në parlament, mbrojtja bregdetare do të funksionojë në “mënyrë parandaluese” (por pa vënë në rrezik jetët e njerëzve). Sipas ministrit, emigrantët nuk duhet të qëndrojnë në ishuj më tepër se tri ditë, derisa të transferohen në brendësi të pjesës kontinentale. Më tej, qeveria po shqyrton mundësinë e disponimit të një anijeje të posaçme që “do të kalojë nga ishulli në ishull dhe do të marrë emigrantët”.

Ministri tha se në Egjeun Verior ka mjaft ambiente që do të mund të bëheshin qendra regjistrimi dhe prej andej emigrantët të dërgoheshin në pjesën kontinentale, ndërsa në Egjeun Jugor, ku këto infrastruktura nuk ekzistonin, po krijohen dalëngadalë.

Related Articles

Leave a Reply

Your email address will not be published. Required fields are marked *

Back to top button