Synohet rritja e performancës së stafeve drejtuese të kompanive publike dhe private
Instituti për Politikat Publike dhe Mirëqeverisjen (www.ippm.al) dhe Federata Ndërkombëtare e Coaching (www.coachfederation.org) janë duke organizuar leksione dhe aktivitete specifike lidhur me rritjen e performancës së stafeve drejtuese të kompanive publike dhe private dhe leksione të hapura me studente të universiteteve publike dhe private lidhur me Coaching dhe Komunikimin ne Publik.
Në 30 Qershor 2014, u organizua në Akademinë për Lidership të Agna Group leksioni : Coaching-rritje performance të stafit drejtues. Sot u organizua një seancë Coaching për stafin e Canadian Institute of Technology dhe një leksion i hapur për Komunikim në Publik në Universitetin Europian të Tiranes ku ishin të pranishëm edhe gazetarë të ekonomisë në media të ndryshme, të shkruar dhe elektronike.
Nesër në orën 9.00 në Fakultetin Ekonomik të Tiranës në bashkëpunim me UNIque Junior Enterprise (www.unique-je.org) do të organizohet një leksion i hapur për studentë dhe të ftuar nga media.
IPPM ka në fokus politikat publike dhe mirëqeverisjen. Ajo ka organizuar disa aktivitete publike me studentë dhe komunitetin e biznesit, duke ftuar në Shqipëri personalitete, profesorë dhe ekspertë nga universitete dhe Qendra Kërkimore Shkencore prestigjoze.
