Maqedonia

Në Malinë, banorët akoma ndjehen të trishtuar

Banorët e fshatit Malinë të Malësisë së Shkupit, kanë mbetur të tmerruar si pasojë e aksionit policor një ditë më parë në këtë fshat. Ata thonë se policia ka rrethuar shtëpitë e tyre, duke mos i dhënë shpjegim, ndërsa disa prej tyre i kanë bastisur, kryesisht shtëpitë pa pronarë. Banorët mohojnë të kenë parë diçka të dyshimtë që mund të ketë lidhje me atë që ndodhi mbi fshatin Gushincë. Ata i bëjnë thirrje subjekteve politike shqiptare që të kujdesen për ta. Sipas banorëve, pas këtij aksioni ministrja e brendshme Gordana Jankullovska duhet të japë dorëheqje.

Njëra nga shtëpitë e bastisura, në derë kishte të vendosur urdhrin e Gjykatës Themelore Shkupi 1 për bastisje, në të cilën shkruhej akuza për trafikim armësh. Në njoftimin e policisë ndërkohë, shpjegohej se aksioni policor është ndërmarrë bazuar në dyshimet se ato shtëpi janë frekuentuar nga njerëz të armatosur të cilët pak ditë më parë sulmuan stacionin policor mbi fshatin Gushincë të Komunës së Likovës dhe vodhën armë në të.

Related Articles

Leave a Reply

Your email address will not be published. Required fields are marked *

Back to top button