Nepal, mbi 6 200 viktima nga tërmeti i së shtunës

Policia nepaleze ka bërë të ditur se numri i viktimave nga tërmeti shkatërrues i së shtunës ka shkuar në mbi 6 200, ndërsa të plagosurit janë rreth 14 000.

Sipas ‘The Himalayan Times’, vetëm në distriktin e Sindhupalchowk, më i godituri nga tërmeti i 25 prillit, numërohen deri tani 1567 viktima dhe 3000 të zhdukur.

Por, pas nxjerrjes gjallë të një fëmije 4-muajsh nga rrënojat 22 orë pas tërmetit shkatërrimtar, një tjetër mrekulli vjen nga Nepali: një 24-vjeçare ka mbijetuar nën rrënoja për 128 orë dhe është arritur të nxirret nga skuadrat e shpëtimit.

Krishna Devi Khadka është dërguar në spital dhe është jashtë rrezikut për jetën.