Ekonomia

Sektorët kryesorë të ekonomisë u rritën me 1.7 %

Linja-e-profileve-të-aluminit-në-zonën-industriale-të-Tiranës-një-investim-i-kompanisë-greke-Alumil-me-një-vlerë-prej-11-milionë-euroIndeksi i volumit të shifrës së afarizmit të deflatuar, vlerësuar me çmime fikse (2010=100) arriti 102,6 % në tremujorin e parë 2014. Në ndryshimin vjetor ky tregues pasqyron rritje prej 1,7 % në aktivitetet ekonomike të mbuluara në vrojtimin tremujor, krahasuar me tremujorin e parë 2013. Ky ndryshim në të njëjtin tremujor të vitit 2013 ishte 1,2 %. Në këtë rritje ndikojnë aktivitetet që kryhen në sektorët “Industri” dhe “Shërbime”, përkatësisht me 3,8 % dhe 4,0 %.

Në aktivitetin “Industri”, ndikon me 18,0 % rritja e treguesit të shifrës së afarizmit në volum, e deflatuar, në industrinë nxjerrëse. Ky tregues në aktivitetet “energji elektrike, gaz, avull dhe furnizim me ajër të kondicionuar” dhe “grumbullimi, trajtimi dhe furnizimi me ujë” paraqitet me rënie përkatësisht 3,2 % dhe 2,6 %. Aktiviteti i ndërtimit në këtë tremujor pasqyron gjithashtu rënie të këtij treguesi me 4,9 %, krahasuar me të njëjtën periudhë të një viti më parë.
Në rritjen prej 4,0 % të shifrës së afarizmit në volum, e deflatuar, në “shërbime”, në tremujorin e parë 2014 krahasuar me tremujorin e parë 2013, kanë ndikuar kryesisht aktivitetet si “tregti” me një rritje prej 3,2 %, “aktivitete të postës dhe korrierës” me 9,6 %, “informacioni dhe telekomunikacioni” me 19,2 %, “agjencitë e udhëtimit” me 30,7 %. Në fushën e shërbimeve, ky tregues paraqitet me 2,2 %, ulje në aktivitetet si “tregti me pakicë dhe shumicë e automjeteve dhe riparimi i automjeteve”, “transporti ujor” me 8,5 %, “hotele” 4,3 %, “informacioni dhe komunikacioni” me 2,5 %.
Ndryshimi tremujor i treguesit të shifrës së afarizmit në volum, deflatuar, në tremujorin e parë 2014, paraqitet me rënie prej 20,8 %. Rënia vjen kryesisht nga aktivitetet si “industri nxjerrëse” me 18,5 %, “industri përpunuese” me 12,9 %, “ndërtim” me 29,2 %.
Në krahasim me tremujorin e katërt 2013, në aktivitetet e shërbimeve shifra e afarizmit në volum, e deflatuar, pasqyron rënie me 24,0 % si rezultat i uljes së këtij treguesi në “tregti me shumicë” me 29,9 %, në “hotele” 16,2 %, në “agjenci udhëtimi” 14,9 %, etj.
Treguesit si “numri mesatar i të punësuarve me pagesë” dhe “paga”, pasqyrojnë rritje në tremujorin e parë 2014 në krahasim me tremujorin e parë 2013, përkatësisht 8,6 % dhe 5,4 %. Ndërsa, ndryshimi tremujor në treguesit e numrit mesatar të të punësuarve me pagesë, paraqitet me rritje 9,2 %, ndërsa pagat me rënie 2,1 %, krahasuar me tremujorin paraardhës.
Indeksi i volumit të shifrës së afarizmit është krijuar nga INSTAT në bazë të të dhënave të grumbulluara pranë ndërmarrjeve të mëdha përmes një vëzhgimi me përzgjedhje. Ai pasqyron ecurinë e shitjeve të sektorëve prodhues të mallrave dhe shërbimeve, pra shitjet me shumicë.

Related Articles

Leave a Reply

Your email address will not be published. Required fields are marked *

Back to top button