Home / Sporti / Fitoi Gjermania

Fitoi Gjermania

Ka mjaftuar një gol që përfaqësuesja e Gjermanisë të kualifikohet në gjysmëfinale të Kampionatit Botëror për të katërtën herë radhazi, pas triumfit ndaj Francës në Maracana të Rio de Janeiros.

Die Mannschaft e patën iniciativën në minutat e para të sfidës, por Les Bleus u kthyen për t’u treguar të rrezikshëm.

Megjithatë, kur po zhvillohej minuta e 13-të, gjermanët realizuan. Toni Kroos harkoi nga gjuajtja e lirë dhe Mats Hummels shënoi me kokë.

llorisgoli

Në vazhdim gjermanët e patën posedimin dhe e qarkulluan topin, ndërsa në dy raste kërkuan penalti.

Nga ana tjetër, Trekolorët ishin të rrezikshëm në sulmet e tyre. Rastin më të mirë për të barazuar e pati Valbuena pas harkimit të Griezmann, por Neuer mbrojti. Benzema u përpoq të godiste, por topi i tij u devijua.

Në fraksionin e dytë, Les Bleus u angazhuan maksimalisht në përpjekje të ndërtimit të rasteve, të cilat përfundonin para portës gjermane.

Rastet nuk munguan, mirëpo Neuer dhe mbrojtësit para tij ishin të pathyeshëm.

Nga ana tjetër, gjermanët kanë mundur në disa raste t’i japin fund dilemës për fituesin po t’i kishin konkretizuar shanset e tyre.

Në gjysmëfinale, Gjermania pret fituesin e duelit ndërmjet Brazilit dhe Kolumbisë.

Leave a Reply

%d bloggers like this: