Teknologji

5 editime që duhet të bëni para se të postoni një foto

Editimi i fotove është më i lehtë se sa ka qenë më parë, çka do të thotë se nuk ka justifikime nëse postoni foto jashtë standardeve në rrjetet sociale.

Për t’ju ndihmuar të maksimizoni potencialin e fotove, më poshtë janë pesë pika të thjeshta për problemet e fotove tuaja, për t’i rregulluar në pak sekonda.

Prerja e fotos
Nëse do të donit të fokusoheshit në diçka që ndodhet në foton tuaj, duhet ta prisni atë. Në foto mund të ketë njerëz të panevojshëm apo objekte në kornizë, të cilat të shpërqëndrojnë nga tema e fotos.

Mprehtësia
Ky opsion ka të bëjë me qartësinë e fotos, dhe përdoret sidomos tek fotot e fëmijëve apo kafshëve. Ka një sërë mundësish që të qartësosh pamjen, apo ta theksosh atë.

Sytë e kuq
Sytë e kuq mund të rregullohen shumë kollaj. Nëse keni aplikacionin Adobe Photoshop Express, mjafton të klikoni në opsionin që ka si ikonë një sy, mjafton të shtypni komandën “Red Eye Auto Detect & Correct” për një zgjidhje automatike. Ose klikoni mbi sytë e kuq në foto për t’i rregulluar manualisht.

Njollat
Sigurisht nuk flasim për të treguar gjëra të rreme, por bëhet fjalë për njollat që janë të rastësishme në foto, jo që janë të përhershmet. Adobe Photoshop Express e ka vetë opsionin “Blemish” që mund të heqë papastërtitë në fytyrë apo puçrrat.

Errësimi
Kamerat e smartphonëve janë përmirësuar jashtë mase, por prapë ka vështirësi në bërjen e fotove të errëta. Lajm i mirë është që mund të luani me nivelin e dritës për t’i rregulluar.

Related Articles

Leave a Reply

Your email address will not be published. Required fields are marked *

Back to top button