Keshilla

15 zakone ushqimi që ju bëjnë të jetoni më gjatë

Për më shumë se një dekadë një skuadër studiuesish kanë analizuar zona të ndryshme të botës ku jetojnë njerëz mbi 100 vjeç.

Disa nga këto zona janë ishulli grek i Ikarias, ishulli i Sardenjës, Gadishulli Nicoya në Kosta Rika, Okinava në Japoni etj. Grupi mësoi mbi zakonet e ushqimit në këto zona. Ata nuk numëronin as kaloritë, as merrnin vitamina, dhe as proteina. Pasi u analizuan mbi 150 dieta të shekullit të kaluar, grupi i studimit arriti në përfundimin se çfarë kanë ngrënë mbi 100-vjeçarët në atë që ata e quajnë Blue Zone.

1. Merrni 95 për qind të ushqimit tuaj nga bimët
Prodhimet, drithërat dhe fasulet dominon gjatë gjithë vitit në Blue Zone. Njerëzit hanin perime të ndryshme në sezonin e tyre, dhe në dimër turshi. Për një jetëgjatësi më të mira janë zarzavatet me gjethe.

2. Konsumoni mish jo më shumë se dy herë në javë
Familjet në këto zona hanin mishë në masë, si një mënyrë për ti dhënë shije pjatave. Duhet ta kufizoni nga 60 gram mish të kuq pesë herë në muaj. Pastaj mund të zëvendësoni me mish pule, qingji apo derri nga fermat familjare. Në këto zona mishi vjen nga kafshë që ushqehen lirshëm në natyrë.

3. Konsumoni peshk çdo ditë
Studimi i Adventist Health, që ka ndjekur 96 mijë amerikanë që prej vitit 2002, zbuloi se njerëzit që kanë një dietë të bazuar në bimë, dhe përfshijnë një pjesë të vogël peshku në ditë, jetojnë më gjatë.

4. Kufizoni qumështin
Sistemi tretës i njeriut nuk është shumë i përmirësuar për qumështin e lopës, i cili është shumë i lartë në sheqer dhe yndyrna. Njerëzit në Blue Zone merrnin kalciumin nëpërmjet bimëve. Përshembull, një filxhan lakër jeshile, ju jep më shumë kalcium se një gotë qumësht. Megjithatë, produktet e qumështit të dhisë dhe të deles janë shumë të përhapura në Ikaria dhe Sardenjë.

5. Hani 3 vezë në javë
Në këtë zonë të studiuar njerëzit hanin një vezë të gatuar në mënyra të ndryshme, të skuqur, omëletë, në supë, apo edhe të përzier me drithëra, bukë apo fruta.

6. Shtoni gjysëm filxhani bishtaja të gatuara çdo ditë
Fasulet e zeza në Nicoya, soja në Okinava, thierrzat, fasulet e bardha në Mesdhe. Bishtajat janë kryesoret në dietën e Blue Zone. Ato përbëhen nga 21 për qind proteina, 77 për qind karbohidrate komplekse, dhe pak yndyrna. Ato janë një burim i pashtershëm fibrash.

7. Sa më larg brumërave me maja
Buka është elementi kryesor në ushqimin e Blue Zone. Por nuk bëhet fjalë si buka që marrim ne. Buka në Ikaria apo Sardenjë, përshembull, bëhet nga varietete 100 për qind drithërash, si thekër, grurë, elb etj. Brumi vjen në mënyrë tradicionale, nëpërmjet disa bakterieve që treten në niseshte duke ndihmuar bukën të rritet. Kjo sjell një bukë me më pak glicemi dhe gluten.

8. Ulni konsumimin e sheqerit
Konsumatorët e Blue Zone nuk përdorin as një te pestën e sheqerit që përdorim ne. 100-vjeçarët tipikë i hedhin mjaltë çajit të tyre, dhe provojnë ëmbëlsira vetëm në raste festash. Mësimi për ne: Mundohuni të mos shtoni më shumë se 4 lugë çaji sheqer në ditë në pije apo ushqime.

9. Hani dy grushte arra në ditë
Një zbulim i fundit i Harvardit thotë se personat që konsumojnë shumë arrat e kanë një normë vdekshmërie 20 për qind më të ulët se të tjerët. Dieta me arra ul nivelin e kolesterolit.

10. Hani ushqim që e dini për çfarë ju shërben
Në Blue Zone njerëzit e hanë ushqimin të gjithin, nuk hedhin të bardhën e vezës, teksa hanë të verdhën. Nuk heqin lëkurën e frutave, por e hanë bashkë, duke e ditur vlerat që ato kanë.

11. Pini sa më shumë ujë
Studiuesit thonë se duhet të pini minimalisht 7 gota ujë në ditë. Hidratimi ul mundësinë e mpikjes së gjakut. Për më tepër nëse pini ujë të pijshëm, e dini që nuk jeni duke pirë pije me sheqer apo të ëmbëlsuar artificialisht.

12. Doni të pini alkool? Pini verë të kuqe
Njerëzit e këtyre zonave të studiuara pijnë një gotë verë në ditë. Vera ndihmon sistemin të përthithtë antioksidantët që marrim nga bimët. Por dihet që pak alkool në fund të ditës redukton stresin, dhe është i mirë për shëndetin.

13. Pini këtë lloj çaji
Njerëzit në Okinava pijnë çaj jeshil gjatë gjithë ditës, ai redukton rrezikun e sëmundjeve të zemrës dhe disa lloje kanceri. Njerëzit e Ikarias pijnë çajin me rosmarinë, luleradhiqe dhe sherebelë, të gjitha bimë me efekte anti inflamatore.

14. Merrni kafeinën tuaj vetëm nga kafeja
Njerëzit që jetojnë në gadishullin e Nicoya dhe ishullin e Sardenjës e Ikarias pijnë kafe. Studimet thonë se pirja e kafes ul rrezikshmërinë e sëmundjes së dementias (çmendurisë) dhe të Parkinsonit.

15. Mundohuni të përshtasni mirë proteinat
Shqetësoheni se me dietë bimore mund të marrësh më shumë proteina se sa duhet? Objektivi është të kombinoni, bishtajet, perimet, drithërat, arrat me njëra-tjetrën që të merrni më të mirën prej tyre.

Related Articles

Leave a Reply

Your email address will not be published. Required fields are marked *

Back to top button