Lëvizja Vetëvendosje, solidaritet me protestuesit në Shkup

Lëvizja Vetëvendosja shpreh solidaritet me protestuesit në Shkup dhe shqetësimin e saj të thellë lidhur me ngjarjet e fundit në Maqedoni.
“Ndërhyrja e dhunshme e policisë në protestë veç sa e shpërfaqë edhe një herë padrejtësinë kundër të cilës po protestohet, duke i dhënë të drejtë protestuesve, të cilët janë rrahur, lënduar rëndë dhe arrestuar”, thuhet mes tjerash në deklaratën e sotme.
Lëvizja Vetëvendosje bën thirrje për lirim të menjëhershëm të të gjithë qytetarëve të arrestuar gjatë përdorimit të së drejtës së tyre për të protestuar.
Sipas Lëvizjes Vetëvendosje, “bashkimi i faktorëve progresivë të politikës shqiptare në Maqedoni është sot një nevojë urgjente që do të mund të hapte rrugën për drejtësi”