Bota

14-vjeçari tregon si u torturua nga ISIS-i

Një video e siguruar nga BBC tregon militantë të ISIS-it duke torturuar një djalë 14-vjeçar sirian. Filmimi tregon si rrihet djali, i cili është i varur nga duart.

Me sytë e lidhur, adoleshenti dhunohet nga dy persona të maskuar, të veshur me të zeza nga koka te këmbët. Njëri prej tyre ka një thikë dhe një pistoletë, ndërsa tjetri ka në dorë një kallashnikov.

Ahmed quhet djali në video. Ai ka dhënë një intervistë për BBC ku rrëfen gjithçka: ““Më bënë elektroshok. Kur bërtita dhe kërkova nënën, ata e shtuan voltazhin dhe më thanë që të mos e përfshija nënën time. Më kanë torturuar për dy ditë dhe i thashë gjithçka që dija. Më parë nuk flija dot, por kam bërë disa trajtime në Turqi dhe tashmë jam më mirë”.

Organizata e Kombeve të Bashkuara ka akuzuar ISIS-in dhe grupe të tjera të armatosura në Siri dhe Irak jo vetëm për torturimin dhe vrasjen e fëmijëve, por edhe rekrutimin e tyre.

Më parë, një adoleshent i ka thënë BBC-së se në moshën 15-vjeçare ka luftuar dhe ka vrarë për al-Nusrën, një grupim terrorist që ka lidhje me Al Kaedën.

Related Articles

Leave a Reply

Your email address will not be published. Required fields are marked *

Back to top button