Zgjedhjet lokale 2015

KQZ nuk regjistron kandidatin e PD për Kurbinin dhe rikthen të dorëhequrin Biba

KQZ-ja ka vendosur pas votimit (4-3, ku vota vendimtare ka qenë ajo e kryetares Lefterije Luzi), duke shfuqizuar sërish regjistrimin e kandidatit tjetër Ilir Pjetraj, i cili fillimisht u regjistrua pas dorëheqjes së Altin Bibës dhe iu dha një e drejtë e tillë edhe pas ankimimit të PD në Kolegjin Zgjedhor.

Votave të përfaqësuesve të majtë, i është bashkuar edhe ajo e kryetares Lefterije Luzi, duke rrëzuar kështu kërkesën e Partisë Demokratike për të kandiduar në Kurbin me vëllain e deputetit demokrat, Mhill Fufi.

Kështu, Altin Biba do të jetë kandidati i Aleancës Popullore për Punë dhe Dinjitet i Bashkisë së Kurbinit në 21 qershor.

Më herët, kryetarja e KQZ-së, Lefterije Luzi, ka debatuar me anëtarin që përfaqëson PD-në, Klement Zguri, i cili ka thënë se KQZ-ja po i jep fitoren në tavolinë subjekteve zgjedhore, duke iu referuar kandidatit të PS-së për Kurbibin.

Por Luzi ka replikuar duke u përgjigjur se përgjegjësia është e PD-së, pasi sipas saj duhet të zgjidhte një njeri të aftë.

“Ku është kjo forcë politike që kandidon njerëz që dorëhiqen brenda ditës dhe brenda natës? Subjektet zgjedhore, kur të sjellin kandidatët për bashki, të mendohen mirë, se njerëz të tillë, përderisa japin dorëheqjen, nuk janë të aftë. Ky nuk është vetëm faji i KQZ-së”, – tha Luzi.

Related Articles

Leave a Reply

Your email address will not be published. Required fields are marked *

Back to top button