Politika

KQZ- Debate mes kryetares Luzi dhe përfaqësuesit të PDIU-së

kqzMbledhja e sotme e Komisionit Qendror të Zgjedhjeve nisi me debate të ashpra mes përfaqësuesit ligjor të Partisë për Drejtësi, Integrim dhe Unitet dhe kryetares së KQZ-së , i cili reagoi ndaj vendimit të djeshëm të KQZ-së, që i heq të drejtën ligjore kësaj force politike për tu përfaqësuar në grupet e numërimit të votave.

Me një ton mjaft të ashpër juristi i PDIU-së i kërkoi kryetares Luzi që të respektojë dispozitat e kodit zgjedhor dhe të tërheqë vendimin e djeshëm që penalizon padrejtësisht subjektin politik që ai përfaqëson.

“Dje keni marrë një vendim shumë të gabuar dhe të padrejtë, pasi subjekti ynë ka fituar 50 mijë vota dhe ka pesë mandate në parlament, në këtë mënyrë ai plotëson kriterin për të pasur të drejtën për pjesëmarrje në shortin, për anëtarët e grupeve të numërimit të votave. Dua të rivendoset e drejta e subjektit që unë përfaqësoj ndaj ju bëj thirrje të mos bini pre e vendimarrjes me mesazhe, por zbatoni kodin” , iu drejtua juristi i PDIU-së, kryetares së KQZ.

Kjo e fundit nga ana e saj i kërkoi kësaj force politike që ta ankimojë vendimin e Komisionit në Kolegjin Zgjedhor, sikurse e parashikon ligji.

“KQZ e ka marrë vendimin dhe nga dita e djeshme fillon dhe afati ligjor i ankimimit në Kolegj”, tha Luzi.

Rendi i ditës i mbledhjes së sotme të KQZ-së parashikon ndër të tjera diskutimin e kërkesës së Partisë Demokratike për çregjistrimin e Gentian Muhametit, kandidat për Bashkinë Këlcyrë.

Related Articles

Leave a Reply

Your email address will not be published. Required fields are marked *

Back to top button