Për herë të parë, photoshop për Android nga Adobe
Adobe ka lancuar një aplikacion të ri të Photoshop-it për Android, të quajtur Photoshop Mix, me një mori aplikacionesh të Creative Cloud, përfshirë dhe Brush CC, Shape CC dhe Colour CC.
Aplikacionet shoqëruese, të gjitha të lidhura me sistemin Creative Cloud të Adobe, më herët ishin të vlefshme vetëm për iOS.
Adobe bëri të ditur se aplikacioni i tij i ri për Android do të sjellë “një lidhje nëpërmjet celularit mes miliona krijuesve në të gjithë botën”.
Colour CC u jep mundësi përdoruesve të analizojnë dhe të zgjedhin ngjyrën nga ndonjë pamje që keni kapur me kamerën e telefonit tuaj smart. Sapo ngjyra zgjidhet për herë të parë, ajo mund të vendoset në paletën e ngjyrave në Creative Cloud.
Në të njëjtën mënyrë, Shape CC ju jep mundësinë të vizatoni vektorë të bazuar në një foto të ruajtur në listën e fotove të kamerës në telefonin tuaj Android.
Scott Morris, drejtori i lartë i Marketingut për Creative Cloud në Adobe, tha për përdoruesit e Android se programi është i njëjtë si në sistemin iOS.
Photoshop Mix, i cili është i vlefshëm në Google Play Store, mund të përdoret edhe i pavarur për një editim bazë të fotos. Aplikacioni i jep mundësi përdoruesit të presë apo të kombinojë pamje, të marrë ngjyra dhe të shpërndajë rregullimet në mediat sociale.
Çdo editim në aplikacionin Android nuk është shkatërruese, pasi fotoja origjinale mbetet e paprekur nga filtrat. Përdoruesit mund të transferojnë punën e tyre në Photoshop CC për një kompjuter desktop.
