Incidenti ndaj Monika Kryemadhit, policia e Lezhës: Janë shoqëruar disa persona
Policia e Lezhës ka dhënë versionin e saj zyrtar lidhur me incidentin e ndodhur në Lezhë ndaj deputetes së LSI-së, Monika Kryemadhi.
Salla operative është njoftuar rreth orës 21.45 se në vendin e quajtur Rrilë është qëlluar me armë zjarri. Ngjarja ka ndodhur gjatë lëvizjes në këtë zonë të deputetes Monika Kryemadhi, vajzës së saj dhe anëtare të tjerë të shtabit elektoral të kandidatit për kryetar bashkie, Viktor Tusha.
Policia ka kqyrur vendin e ngjarjes dhe ka shoqëruar dhe pyetur në komisariat disa persona. “Në lidhje me këtë ngjarje në ambjentet e Drejtorisë së Policisë Lezhë janë shoqëruar dhe pyetur disa shtetas dhe po punohet pë sqarimin e plotë të rrethanave, motiveve si dhe identifikimin e autorëve të kësaj ngjarje”, thuhet në njoftimin zyrtar të policisë së Lezhës.
