Bono Thesari: Interesat nuk ndryshojnë
Banka e Shqipërisë bën të ditur se, interesat e bonove të thesarit nuk ndryshuan në ankandet fundit, duke ruajtur vlerat minimale historike.
Bonot e maturim 12 mujor u shitën të martën në ankand me një normë mesatare të ponderuar interesi prej 3.23%, nga 3.24% që kishte qënë interesi në ankandin e mëparshëm. Me luhatje të papërfillshme rezultoi edhe interesi mesatar e bonove 6 mujore, në 3.16%, nga 3.14% që kishte qënë në ankandin e mëparshëm.
Sipas Bankës Qendrore, Qeveria arriti të sigurojë me sukses të gjithë shumën e shpallur prej 26.3 miliardë lekësh.
Interesat e ulëta të bonove po përcaktohen edhe nga politika monetare lehtësuese e Bankës Qendrore, si edhe nga gjendja e mirë e likuiditetit të sistemit bankar. Kushtet e tregjeve financiare e bëjnë më pak të leverdisshëm kursimin dhe më të lirë huamarrjen. Rrjedhimisht, ata që kanë ose duan të marrin kredi në lekë paguajnë norma më të ulëta interesi.
