Home / Rajoni / Bullgari-Mali i Zi: Kërkohen drejtime të reja në bashkëpunimin ekonomik

Bullgari-Mali i Zi: Kërkohen drejtime të reja në bashkëpunimin ekonomik

malki i ziJavën që kaloi,  presidenti malazez Filip Vujanoviç vizitoi Bullgarinë. Tre muaj para kësaj në Sofje ishte kryeministri malazez-Millo Xhukanoviç. Shpeshtësia e vizitave të nivelit më të lartë vjen të sugjerojë, se ka interes reciprok ndaj zhvillimit të marrëdhënieve dypalëshe. Si në bisedimet e presidentit Vujanoviç me homologun e tij bullgar Plevneliev, ashtu edhe në bisedimet e kryeministrit Xhukanoviç me kryeministrin Borisov në fund të marsit, në qendrën e vëmendjes ishte përkrahja politike e Sofjes për integrimin evroatlantik të Malit të Zi, dhe perspektivat për zhvillimin e bashkëpunimit dypalësh, sidomos në fushën e energjetikës. Gjatë të dy vizitave theksi kryesor u vu mbi mundësinë, që Bullgaria të eksportojë energji elektrike për Italinë nëpërmjet kabllos së tensionit të largë midis Malit të Zi dhe Italisë. Bisedime mbi këtë temë u zhvilluan edhe gjatë vitit 2011, por tani projekti po finalizohet dhe impiantet duhet të vihen në shfrytëzim në vitin 2018. Kështu kjo çështje bëhet tepër aktuale.

Gjatë bisedimeve midis presidentëve u bë fjalë edhe për dëshirën e kompanive bullgare të marrin pjesë në ndërtimin e hidrocentraleve në Malin e Zi, të teleferikut Kotor- Lovçen-Cetine, si dhe të objekteve të tjera infrastrukturore, për të cilët tashmë ka tenderë. Zoti Vujanoviç vlerësoi pozitivisht interesin bullgar ndaj sektorit energjetik malazez. Ai shprehu shpresë, se një interes i tillë do të shfaqet edhe ndaj turizmit, duke përfshirë edhe ndaj realizimit të projekteve të përbashkëta për tërheqjen e turistëve nga vende të treta. Nga ana e vet zoti Plevneliev ftoi Malin e Zi të përfshihet në realizimin e projekteve të ndryshme në territorin e Bullgarisë. Të dy palët ishin unanim, se niveli i dialogut politik është tepër i mirë, por i përbashkët ishte qëndrimi, se nuk ka avancim në marrëdhëniet tregtare dhe ekonomike. Lidhjet ekonomike janë nën potencialin real të të dy vendeve. Ato janë edhe nën nivelin e shkëmbimit tregtar, që kanë dy vendet me shtete të tjera të Evropës Juglindore. Krahas kësaj të dy vendet nuk shfrytëzojnë të gjitha mundësitë reale në kuadrin e fondeve evropiane të parashikuara nga BE-ja për vendosjen e një bashkëpunimi më të mirë në rajon. Pritet, që ato probleme të diskutohen në mbledhjen e ardhshme të komisionit të përbashkët të bashkëpunimit ekonomik, e cila do të mbahet në Sofje.

Leave a Reply

%d bloggers like this: