Rama: Nuk ka kthim mbrapa për reformën në drejtësi

Kryeministri Edi Rama gjatë një prononcimi për mediat, në përfundim të mbledhjes të grupit parlamentar të Partisë Socialiste shprehu vendosshmërinë e tij për të realizuar reformën në drejtësi.

Sipas tij, nuk ka asnjë alteranativë tjetër jashtë idesë për të bërë reformën në drejtësi.

“Reforma në drejtësi o do të bëhet ose do të bëhet, nuk ka mundësi tjetër”, tha Kreu i Ekzekutivit, duke lënë të kuptohet se në rrugën e ndërmarrë nga qeveria  për të realizuar këtë reformë nuk do të ketë asnjë pengesë, që mund të ndalojë qeverinë.