Politika

Rama: Shqipëria nuk bllokon anëtarësimin e Maqedonisë në NATO

Në një intervistë dhënë për televizionin maqedonas, “Telma”, kryeministri Edi Rama deklaroi se Shqipëria nuk ka ndërmend të vendosë veton për anëtarësimin e Maqedonisë në NATO.

Por, Rama nënvizoi rëndësinë e zbatimit të Marrëveshjes së Ohrit për të ecur përpara në rrugën e integrimit.

“Dokumenti i fundit në Samitin e Uellsit, është një dokument me të cilin u pajtuan të gjitha vendet anëtare të NATO-s dhe ku theksohet nevojë që Maqedonia të implementojë Marrëveshjen e Ohrit si bazë për bashkëjetesë dhe harmoni në paqe e bashkëpunim midis shqiptarëve dhe maqedonasve. Dhe gjithsesi si bazë për forcimin e Maqedonisë dhe që ajo  të jetë stabël e të zhvillohet”, pohon Rama.

Në këtë intervistë, kryeministri shqiptar ka folur edhe për ngjarjet e 9 majit në Kumanovë, duke theksuar se ai pret një  hetim të pavarur dhe transparent,  e që do u ndihmonte të gjithëve.

“Mendoj dhe jam i sigurt se një hetim transparent dhe i pavarur do të jetë një ndihmesë e madhe për të gjithë. Do të jetë kontribut i rëndësishëm edhe për vetë Maqedoninë, si shembull ku marrëdhëniet ndëretnike nuk janë problem, por përkundrazi janë një potencial i veçantë për përparim të shoqërisë dhe shtetit”, ka deklaruar Rama.

Related Articles

Leave a Reply

Your email address will not be published. Required fields are marked *

Back to top button