Rrokaj mbështet propozimin për ndarjen e lëndës së Gjuhës Shqipe nga Letërsia
Dekani i Fakultetit Histori-Filologji në Tiranë, mbështet propozimin e Këshillit Ndërakademik të Akademisë se Shkencave, për ndarjen e lëndës së Gjuhës Shqipe nga Letërsisë ne sistemin nëntëvjeçar dhe të mesëm
Në një prononcim për ATSH-në, dekani i Fakultetit Histori-Filologji, Shezai Rrokaj tha se, ky propozim është i duhur dhe se ka qene i diskutuar dhe në konferenca të organizuara.
Rrokaj. pjesë e Këshillit Ndërakademik të Shkencave tha se ky propozim ka dy vjet që diskutohet .
Këshilli Ndërakademik i Akademisë së Shkencave, në një njoftim zyrtar ka propozuar , më shumë orë mësimi për lëndën e gjuhës shqipe në shkollat 9-vjeçare dhe të mesme, ndarjen e saj nga letërsia. Përveç kësaj të fundit është propozuar dhe reduktimi i normës mësimore për arsimtarët si dhe përfshirja e kësaj lënde si provim pjekurie.
“ Meqë cikli nëntë vjeçar nuk arrin dot t’ua mësojë mirë nxënësve të gjitha nënsitemet e shpiqes standarde, si në të folur ashtu dhe në të shkruar , propozohet që Gjuha Shqipe të jetë lëndë e veçantë në planin mësimor të shkollës së mesme dhe të jepet si provim pjekurie në përfundim të shkollimit parauniversitar, thuhet në njoftimin zyrtar.
