Maqedonia

Opozita rikthehet në Parlament nga 1 shtatori

Partitë opozitare maqedonase, me në krye atë më të madhen LSDM, do të kthehen në Parlament më 1 shtator. Këtë lajm e ka konfirmuar edhe kryesuesi i opozitës dhe i socialdemokratëve, Zoran Zaev.

“Më 1 shtator kthehemi për të votuar ligjin e prokurorit të posaçëm, mbi bazën e të cilit do të zgjidhet prokurori special. Ky ligj është shumë i rëndësishëm në këtë proces, për shkak se nga përmbajtja dhe kompetencat e dhëna prej tij do të varet edhe kandidati, që do të zgjidhet në këtë post”, ka thënë për mediat kreu i opozitës Zaev.

Zaev ka pohuar se, rikthimi në Kuvend është pjesë e marrëveshjes mes krerëve të 4 partive politike për daljen e Maqedonisë nga kriza politike, e cila u arrit gjatë muajit të kaluar me ndërmjetësimin e ndërkombëtarëve.

Sipas kësaj marrëveshjeje, opozita duhet të kthehet në Parlament më 1 shtator, ndërsa më 15 shtator duhet të zgjidhet prokurori special, që do të merret me çështjen e bisedave të përgjuara telefonike.

Related Articles

Leave a Reply

Your email address will not be published. Required fields are marked *

Back to top button