Samiti i Vjenës, ambasadori austriak: Ja synimet e nismës “Merkel”

Thomas Schnoll, ambasador i Austrisë në Shqipëri, në një intervistë për Top Channel shpjegon se çfarë pala austriake synon të arrijë nëpërmjet samitit të vendeve ballkanike në Vjenë, i cili do të zhvillohet në 27 gusht.

“Kjo nismë e nisur nga kancelaria Angela Merkel vitin e shkuar ishte shumë e rëndësishme . Sepse na tregon që i gjithë rajoni i Balkanin Perëndimor mbetet në vëmendjen dhe fokusin e politikave të Bashkimit Europian.  Ky ishte një sinjal i rëndësishëm politik por tani ky hap i parë  është i mbyllur dhe tani në Vienë ne duam të kemi veprime konkrete për sa i përket rajonit duke prodhuar kështu rezultate konkreke. Prandaj ne mblidhemi të gjithë sëbashku ne Vienë.  Në Austri ne duam të shohim rezultate konkrete. Janë disa. Ne jemi duke punuar shumë si organizatorë që cfarë do të diskutohet të shikojë dritën e implementimit. I gjithë samiti do të këtë si moto konektivitetin-ndërlidhjen. Kjo sepse ne duam ta shohim Ballkanin Perëndimor të gjithin sëbashku si një rajon i vetëm. Nëse një investitor i huaj vendos të investoj jashtë është me rëndësi për atë të investojë në një zonë me 20 milion njerëz se sa në një vend me 3 milion njerëz. Dhe për këtë ne duhet të krijojmë kushtet e duhura duke investuar në infrastrukturë.  Kjo është edhe arsyeja për të cilën ne shpresojmë që në Vienë do të nisim një proces duke krijuar autostrada të reja, hekurudha përfshi përmirësimin dhe modernizimin e e rrugëve ekzistuese”, thotë Schnoll.

Krahas infrastrukturës, ambasadori Austrisë thotë se do të diskutohen  edhe  projekte të tjera.

“Do të jenë edhe projekte të reja të cilat edhe ato kanë rëndësinë e vet.   Në këndvështrimin e Austrisë shoqëria civile merr një rëndësi.  Po zhvillohet një punë konkrete për programet e shkëmbimit të studentëve . Në këndvështrimin tim për sa i përket studentëve shqiptarë ata janë të prirur të shkojnë e të studjojnë në vëndet antare të BE-s se sa në vëndet fqinje. Kjo nuk duhet të vazhdojë më kështu. Ju duhet të njiheni me fqinjët tuaj , gjeneratën e re në këto vënde, duke ndërtuar kështu besim gjë e cila do të minimizojë paragjykimet të cilat mund të ekzistojnë.  Kjo është e rëndësishme dhe prandaj mendoj se ky shkëmbim studentësh është tejet i rëndësishëm. Austria i kushton një rëndësi të vecantë zhvillimit ekonomik në rajon dhe problemeve që lidhen me papunësinë. Austria ka një model të suksesshëm që e mban papunësinë tek të rinjtë në nivele të ulëta nëpërmjet asaj që ne e quajmë sistemin dual profesional . Ky mbase ose mund të jetë modeli që mund të transferohet dhe të përbëjë interes për vëndet e rajonit”, shton ai.

Drejtori politik i Ministrisë së Jashtme të Austrisë,Jan Kickert dhe drejtori për Ballkanin Perëndimor Jahann Sattler disa javë më parë kanë vizituar Shqipërinë dhe janë takuar me kryeministrin Rama dhe liderin e opozitës Basha.  Dipllomati austriak tregon qëllimin  e kësaj vizite.

“Ishte kryesisht për në kuadër të përgatitjeve për konferencën në Vienë . Ata kanë patur gjithashtu takime edhe në vënde të tjera të rajonit.  Kjo ishte arsyeja përse ata nuk u takuan vetëm me Kryeministrin por edhe me ministrin e jashtëm Bushati i cili është koordinatori politik në këtë proces. Pra u fol për finalizimin e konferncës. Zoti Kickret e përdori këtë mundësi për të marrë një fotografim të situatës së brendëshme në Shqipëri prandaj ai zhvilloi edhe një takim me zotin Basha”, shprehet ambasadori austriak.

Për këtë vizitë është raportuar në media se këta zyrtarë austriakë i kanë dorëzuar kryeministrit 6 dosje me të dhëna se një zyrtarë i larë  është përfshirë në afera korruptive. A është e vërtetë një gjë e tillë?

“Jam këtu që prej dy vitesh dhe jam i surprizuar sesi thashethemet në Vjenë, por vecanërisht këtu, si ato përpahen…….janë për të qeshur.  Unë ju siguroj se asgjë e kësaj natyre është e vërtetë dhe asgjë nuk i është dorëzuar askujt”, deklaron ai.