Home / roze / Kesha flet për problemet e saj me buliminë

Kesha flet për problemet e saj me buliminë

Kesha flet për problemet e saj me buliminë

Këngëtarja Kesha ka folur mbi problemet që ka pasur me të ngrënit duke thënë se në të kaluarën e kishte bindur veten se duhet të ishte patjetër e dobët nëse donte t’i rezistonte industrisë së muzikës.

Kesha u fut në rehabilitim në muajin janar pasi vuante nga bulimia dhe kujtoi se dita e parë në klinikë ishte më e frikshmja e jetës së saj.

“Kisha shumë frikë, por e dija që duhet të kurohesha pasi trupi ishte fikur. Isha e shqetësuar edhe për atë që do të mendonin njerëzit. Unë kisha probleme me të ngrënit, por e dija që njerëzit do të mendonin se isha e droguar ose e alkoolizuar”, zbulon Kesha në një artikull të shkruar për revistën britanike ‘Elle’.

Kesha ia vë fajin industrisë muzikore që i bën shumë presion këngëtarëve: “Pritshmëritë mbi trupin e njeriut nuk janë aspak reale në botën e spektaklit dhe unë nisa të isha një kritike e egër e trupit tim. Isha fiksuar pas idesë se njerëzit kërkonin të më bënin foto gjatë gjithë kohës e më pas t’i postonin nëpër media online duke më nxjerrë difektet.”

Leave a Reply

Your email address will not be published.