Ja 10 pikat më kulminante të Botërorit “Brazil 2014”
E nisim me zhgënjimin e parë të madh, Spanjën kampione bote, që në Brazil udhëtoi me petkun e pretendentes, por u kthye në gadishull e turpëruar.
1.Spanja mori një leksion të vërtetë futbolli nga Holanda, 1-5.
2. Meksikani Guillermo Ochoa u transformua në një hero për vendin e tij, edhe pse vinte në kombëtare si një lojtar i padëshiruar në Francë. “Fortaleza” ishte kryevepra e gardianit meksikan, i cili ndali Brazilin në një natë të pabesueshme.
3. Kosta Rika “gëlltiti” me një kafshatë të vetme Anglinë dhe Italinë, duke kthyer në shtëpi dy kombëtaret europiane që së bashku nu-mërojnë 5 Kupa Bote.
4. Kolumbia është një tjetër histori. Me një kostelacion të plotë yjesh, skuadra amerikano latine u prezantua si kandidatja kryesore për të bërë surprizën në Brazil dhe në njëfarë mënyre ia doli mbanë.
5. “He did it again”, ai e bëri përsëri. Luis Suarez kafshoi Kielinin, duke eklipsuar për disa ditë madhështinë e Botërorit. 6. Të gjithë prisnin shpërthimin e Nejmarit, Mesit apo Ronaldos, por surpriza e vërtetë e këtij Botërori ishte kolumbiani Rodriguez me 6 gola.
7. Pinila “ledhatoi” dy herë shtyllën në ndeshjen kundër Brazilit, duke i mohuar Kilit çerekfinalen.
8. Ai gju i Zunigas ndaj Nejmarit ndoshta ndryshoi fatet e një kombi. Brazili humbi yllin e tij, ndërsa populli motivin e frymëzimit.
9. Van Gal mori zyrtarisht titullin e strategut. Tekniku holandez bëri atë që askush më parë nuk e kishte provuar. Ai zëvendësoi portierin titullar në momentin e 11 metërshave.
10. Askush tjetër si Klose, ai ka shënuar më shumë se kushdo në kupat e botës, 16 gola.
