Rajoni

Turqi, dy shpërthime në Ankara; të paktën 20 të vdekur

Dy shpërthime të fuqishme kanë tronditur këtë të shtunë Ankaranë, të verifikuara gjatë zhvillimit të një parade për paqen.

Agjencia e lajmeve “Dogan” raporton se të paktën 20 persona kanë mbetur të vrarë nga shpërthimet, të ndodhura pranë stacionit qendror.

Ndërkohë, foto të postuara në rrjetet sociale tregojnë trupa të pajetë në vendin e ngjarjes.

Objektiv i shpërthimeve duket se ka qenë një marshim për paqen, që bënte thirrje për dhënien fund të konfliktit me grupin separatist kurd, PKK.

Partia pro-kurde HDP ishte mes atyre që apeluan për mbajtjen e marshimit për “paqe dhe demokraci”, që pritej të niste në orën 12:00, me orën lokale.

Në qershor, kur vendi ndodhej pranë zgjedhjeve të përgjithshme, një miting i së njëjtës parti në qytetin Dijarbakir u kthye në shënjestër të një shpërthimi.

Ndërkohë, muajin e ardhshëm Turqia do të mbajë të tjera zgjedhje.

Related Articles

Leave a Reply

Your email address will not be published. Required fields are marked *

Back to top button