“Cerova”, kapet transportuesi me 54 kg marijuanë

Policia e qarkut të Beratit ka finalizuar në orët e fundit operacionin antidrogë të koduar ”Cerova”.

Në një njoftim për shtyp të drejtorisë lokale të policisë thuhet se, në kuadër të operacionit janë sekuestruar 54 kg lëndë narkotike e llojit marjuanë.

Sipas njoftimit, uniformat blu kanë arrestuar një shtetas për ”prodhimi dhe shitje të lëndëve narkotike”. Ai është identifikuar si Ermal Hoxha, 27 vjeç.

Agjentët e policisë kanë nisur ndërkohë koordinimin me prokurorinë e rrethit për procedimin e mëtejshëm të çështjes.