Home / Rajoni / Maqedonia / Kumanovë, arrestohen “bashkëpunëtorët” e grupit të armatosur

Kumanovë, arrestohen “bashkëpunëtorët” e grupit të armatosur

Ministria e Punëve të Brendshme e Maqedonisë, mëngjesin e së enjtes ka ndërmarrë një aksion të madh policor në Kumanovë për të arrestuar bashkëpunëtorët e grupit të armatosur me të cilin u përlesh policia maqedonase më 9 maj, në “Lagjen e Trimave”.

Sipas MPB-së, kontrollet po bëhen në Shkup dhe Kumanovë dhe janë arrestuar disa persona të cilët do të dalin para gjykatësit kompetent.

Mediat raportojnë se policia maqedonase mban të rrethuar fshatin Brezë, që ndodhet në afërsi të Shkupit. Ministria e Punëve të Brendshme ka paralajmëruar se do të japë më tepër detaje më vonë gjatë ditës.

Në aksionin e majit të këtij viti në “Lagjen e Trimave” në Kumanovë humbën jetën 8 policë, ndërsa 30 të tjerë mbetën të plagosur.

Gjatë këtij aksioni policor u vranë 10 anëtarë të grupit të armatosur, ndërsa 30 u dorëzuan dhe kundër tyre është ngritur procedurë gjyqësore.

Leave a Reply

%d bloggers like this: