Politika

Veliaj nderon ish-ambasadorin Withers me Çelësin e Tiranës

Kryebashkiaku Erion Veliaj ka nderuar këtë të enjte ish-ambasadorin amerikan në Tiranë, John L. Withers, me Çelësin e Tiranës.

Në ceremoninë e organizuar në bashkinë e kryeqytetit, Veliaj ka shprehur vlerësimet maksimale për diplomatin amerikan, i cili sipas tij ka bërë shumë për Shqipërinë.

“Kam kënaqësinë e veçantë që t’i dorëzoj Çelësin e Tiranës ish-ambasadorit Withers. Ambasadori Withers ka qenë një kritik i korrupsionit në Shqipëri dhe ka punuar për demokratizimin e vendit më shumë se disa nga ne”, ka thënë Veliaj.

Nga ana e tij, ish-ambasadori është shprehur i nderuar për këtë vlerësim që i jepet nga bashkia e kryeqytetit shqiptar.

“Ndihem shumë mirë që shumë miq shqiptarë kanë ardhur në këtë ceremoni. Është një nder marrja e çelësit të këtij qyteti kaq të dashur për mua”, ka thënë Withers.

Në ceremoni kanë qenë të pranishëm diplomatë, deputetë të Parlamentit shqiptar, si dhe përfaqësues të komuniteteve fetare.

Related Articles

Leave a Reply

Your email address will not be published. Required fields are marked *

Back to top button