Kosova

Tahiri në Mitrovicë: Ura e Ibrit do të lirohet nga pengesat

Tahiri-ne-Mitrovice-466x350Zv/kryeministrja në qeverinë e Kosovës, Edita Tahiri, siguroi qytetaret e Mitrovicës se “Ura e Ibrit do të lirohet nga pengesat shumë shpejt dhe do t’u jepet fund barrikadave”.

“Qeveria e Kosovës mbetet e angazhuar që përmes dialogut të Brukselit t’i jap zgjidhje këtij problemi si dhe në rast të provokimeve të reja do të veprohet me fuqinë e ligjit”, citohet ajo në njoftimin e dërguar nga zyra e shtypit e qeverisë kosovare.
Tahiri vizitoi Mitrovicën, ku u prit nga kryetari i komunës jugore me shumicë shqiptare, Agim Bahtiri, e pastaj së bashku kaluan urën dhe në kafenenë Dolce Vita në veri të qytetit, me shumicë serbe, vazhduan bisedën për zgjidhjen e çështjes së barrikadave, të ashtuquajturit “parku i paqes” dhe pengesave të tjera, që janë bërë kohët e fundit.
Bëhet e ditur se, kjo vizitë dje në pjesën veriore të Mitrovicës u bë në kuadër të përgatitjeve për takimin e radhës për heqjen e barrikadave që do të mbahet në Bruksel në 22 korrik.
Në 11 korrik, me ftesë të Përfaqësueses së Lartë për Politikë të Jashtme të Bashkimit Evropian, Baroneshës Catherine Ashton, zv/kryeministrja Edita Tahiri, njëkohësisht kryenegociatore për implementim në dialogun e ndërmjetësuar nga BE ka marrë pjesë në takimin në Bruksel për çështjen e heqjes së barrikadave në Mitrovicë.
Në Bruksel, nga ana e Beogradit ishte shefi i zyrës serbe për Kosovën, Marko Gjuriç, por pala e Prishtinës njoftoi se kishte vetëm takime bilaterale me BE-në. Po ashtu u bë e ditur se, “pas shumë orë bisedimesh nuk pati rezultate konkerete, përveç pajtimit për moratorium për veprime destruktive e të paligjshme dhe pajtimit për një takim tjetër në 22 korrik”.
Në njoftimin e dërguar të zyrës së shtypit të komunës jugore jepen detaje të vizitës në Mitrovicë, ku thuhet se pas qëndrimit për pak minuta në cepin verior të urës, zv/kryeministrja Tahiri dhe kryetari Bahtiri, kanë kaluar rrugën kryesore në veri të lumit Ibër dhe kanë hyrë në kefenenë Dolce Vita, ku kanë qëndruar për rreth 30 minuta.

Related Articles

Leave a Reply

Your email address will not be published. Required fields are marked *

Back to top button