KronikaQeveritare

Klosi: Orientimi drejt profesioneve, një mënyrë lidershipi

Ministri i Mirëqenies Sociale dhe Rinisë Blendi Klosi së bashku me Ministren e Arsimit Lindita Nikolla ishin sot të pranishëm në prezantimin e rezultateve të sondazhit “Liderat e ardhshëm-Hapat e para në tregun e punës”, i realizuar nga Deloitte Albania.

Ministri i Mirëqenies Sociale dhe Rinisë, Blendi Klosi tha se orientimi drejt arsimit profesional është mënyrë për të zhvilluar tiparet e një lidershipi.

“Është shumë e nevojshme të orientohemi drejt arsimit profesional në mënyrë që të rinjtë që në moshën 18 apo 20-vjeçare të jenë lidership të familjes së tyre, të kenë mundësi të ndihmojnë  familjen e tyre dhe në komunitetet ku jetojnë të bëhen lidership”, tha Klosi. Sakaq, ai vuri në dukje se janë të rinjtë që duan një jetë më të mirë, e sipas tij, ata janë forca e një vendi.

klosi-nikolla---rinia-arsimi-(5)Ndërsa ministrja Nikolla gjatë fjalës së saj tha se “ky është një moment që duhen shfrytëzuar modele pozitiviteti, të orientuar drejt një qasje të re, të një partneriteti me biznesin, siç ndodh në çdo vend të botës, për të ndjekur se çfarë ndodh me studentët pasi dalin në jetë. Kjo gjë ka ngelur për faj të qasjes sesi është parë arsimi i lartë në vend, për shkak të politikave të aplikuara”.

Më tej ajo shtoi se “një hapësirë e re po krijohet falë një komunimi të ri dhe qëndrimi të ri të politikës, po hartohen politikat më të mira për zhvillimin e vendit”.

Gjatë diskutimit të zhvilluar në ambientet e Qendrës Rinore në Tiranë, u vu në dukje se një lider nuk lind por mund të bëhesh nëpërmjet punës dhe këmbëguljes, vetëbesimit dhe performancës në një punë të caktuar.

Related Articles

Leave a Reply

Your email address will not be published. Required fields are marked *

Back to top button