Europa

Rritje ekonomike në sektorin privat, pavarësisht nga sulmet terroriste në Paris

Ekonomia private ka shënuar progres në muajin nëntor në eurozonë, pavarësisht sulmeve terroriste në Paris, referuar një vlerësimi të parë të indeksit PMI publikuar sot nga qendra ”Markit”.

Indeksi PMI, që përmbledh në tërësi rajonin, qëndron në kuotat 54,4 në muajin nëntor, kundrejt 53,9 në muajin tetor, duke evidentuar në këtë mënyrë zgjerimin më të fortë të zonës euro që prej majit të vitit 2011.

Meqënëse PMI-ja është më e lartë se 50 pikë, do të thotë se aktiviteti ekonomik ka avancuar, ndërkohë që, nëse kjo shifër do të ishte më e ulët se ky prag, atëherë do të kishim një regres të ekonomisë.

“Forcimi i rritjes së biznesit dhe i krijimit të vendeve të punës është një faktor më i dukshëm se ngjarjet tragjike që përjetoi Parisi fundjavën e kaluar, që ngadalësuan zgjerimin e aktivitetit ekonomik në Francë, kryesisht në sektorin e shërbimeve”, u shpreh Chris Williamson, kryeekonomist në ”Markit”.

Related Articles

Leave a Reply

Your email address will not be published. Required fields are marked *

Back to top button