Home / Teknologji / Pillow Talk, që partneri të dëgjojë rrahjet e zemrës

Pillow Talk, që partneri të dëgjojë rrahjet e zemrës

Jeni larg partnerit tuaj, por dëshironi të ndjeni rrahjet e tij të zemrës teksa flini? Shumë në rregull, tashmë një kompani ka krijuar një pajisje vetëm për këtë gjë.

Programuesi britanik Little Riot ka krijuar një byzylyk me valë që merr dhe dërgon rrahjet tuaja të zemrës në një kuti të vogël, që është është nën jastëkun e partnerit tuaj. Në këtë mënyrë mund të ndjesh rrahjet e zemrës në kohë reale. Ky produkt quhet Pillow Talk.

“Ne komunikojmë me njerëzit nëpërmjet teknologjisë, dhe nëpërmjet ekraneve, bëjmë videotelefonata, dhe shohim ekranet gjithë kohës” thotë për CNBC, Joanna Montgomery, themeluese e Little Riot.

“Idea është që të hapim sytë e njerëzve ndaj faktit se po e pranojmë këtë botë që kemi krijuar aksidentalisht dhe kemi ngecur në pajisjet tona. Gjërat që mendohej se do të na bashkonin, në fakt po na ndajnë”, thotë ajo.

Montgomery thotë se shpreson të përdorë teknologjinë nga Pillow Talk në mënyra të tjera. Për shembull, Little Riot është duke biseduar me një spital fëmijësh që ky produkt të përdoret për fëmijët në inkubator. Nëse aparatin e vendos tek ata, prindërit mund të dëgjojnë rrahjet e zemrës.

Leave a Reply

Your email address will not be published.