Kryeministri Rama : Realizimi i sa më shumë projekteve, mënyra për të siguruar mbështetje financiare dhe sukses
Ka vijuar sot, me qytetin e Korçës, firmosja e kontratave për investuesit dhe biznesmenët, tё cilët kanë përfituar nga skemat e mbështetjes financiare në bujqësi dhe blegtori.
Kryeministri Edi Rama, i shoqëruar nga Ministri i Bujqësisë, Zhvillimit Rural dhe Administrimit të Ujërave, Edmond Panariti, Drejtoresha e AZHBR-sё, Suela Popa si dhe nga zëvendëskryeministri Niko Peleshi, nё takimin me investuesit dhe biznesmenët e rajonit tё Korçës, i inkurajoi tё fokusohen nё realizimin e sa më shumë projekteve, si mënyra e duhur për të siguruar mbështetje financiare dhe sukses, nё kёtё rrugë të re tё bashkëveprimit ndërmjet investuesve dhe Qeverisë, duke ju referuar njoftimit nga zyra e shtypit te qeverisë.
Gjithashtu, Kryeministri vlerësoi rajonalizimin e kulturave bujqësore si dhe skemat e reja mbështetëse qe synojnë orientimin drejt investimeve në bujqësi e agropёrpunim dhe stimulimin e suksesit.
Firmosja e kontratave është kryer në pemishten e një biznesmeni i cili i është kthyer fshatit duke përfituar në këtë mënyrë me shumë të ardhura nga biznesi i tij.
Kryeministri ka vizituar gjithashtu edhe disa biznese të Libonikut të cilat janë të gjitha të mbështetura nga qeveria shqiptare, sipas njoftimit nga zyra e shtypit te qeverisë.
