Gjermania,100 mijë euro për pastrimin e zonave të kontaminuara me municione
Gjermania mbështet aksionin për pastrimin e zonave të kontaminuara me municione dhe lëndë plasëse në Shqipëri me një fond prej 100.000 eurosh.
Ambasadori Gjerman Hellmut Hoffmann dhe Perfaqësuesja Rezidente e UNDP në Tiranë, Zineb Touimi-Benjelloun nënshkruan më 21 korrik në Tiranë një marrëveshje për këtë.
Sipas komunikatës për shtyp të Ambasadës Gjermane, shuma e akorduar do t’i vihet në dispozicion projektit të UNDP-së (Albanian Mine Monitoring Coordination Office) dhe do të përdoret për pastrimin e zonave të kontaminuara me municione dhe për rikthimin e tyre në zona që nuk përbëjnë rrezik.
Gjate nenshkrimit te marreveshjes
“Gëzohem që Gjermania mund të kontribuojë për pastrimin e zonave të ndotura me municione të vjetra për t’i kthyer ato në zona të sigurta për jetesën e njerëzve, të cilët jetojnë atje“, deklaroi Ambasadori Hellmut Hoffmann. “Gëzohem që Gjermania mund të kontribuojë për pastrimin e zonave të ndotura me municione të vjetra për t’i kthyer ato në zona të sigurta për jetesën e njerëzve, të cilët jetojnë atje”, vioi Ambasadori Hellmut Hoffmann.
Nga shpërthimi i municioneve të vjetra në Shqipëri ka patur shumë të vdekur dhe të plagosur. Qëllimi i këtij projekti të mbështetur nga Gjermania është të garantojë një kontroll të pavarur për pastrimin e zonave të prekura duke kontribuar kështu në parandalimin e aksidenteve. AMMCO gjithashtu bën një punë informuese me popullsinë që banon në këto zona të rrezikshme. I pranishëm në nënshkrimin e marrëveshjes ishte edhe Zv. Ministri i Mbrojtjes Dritan Hila, njëkohësisht i ngarkuari nga Qeveria Shqiptare me koordinimin e të gjitha masave për demilitarizimin e vendit
