Home / Ekonomia / Durrës/ 5 mujori i parë të 2014-ës, rritet me 0.2 % përpunimi i mallrave

Durrës/ 5 mujori i parë të 2014-ës, rritet me 0.2 % përpunimi i mallrave

Perpunimi-i-mallrave-ne-portin-e-Durresit-Foto-Gezim-Kabashi-ATSH-466x350Gjatë periudhës Janar-Maj 2014-të, në kalatat e portit të Durrësit janë përpunuar 2,334 ton mallra më shumë se sa e njëjta periudhe e një viti më parë.

Statistikat e 5- mujorit të parë të vitit 2014-të tregojnë se nga anijet dhe tragetet janë përpunuar 1,452,752 ton mallra gjithsej, ose 0.2 % më shumë se sa në 5-mujorin e parë të vitit 2013-të.

Eksportet kanë shënuar një rënie me 10% krahasuar me periudhën Janar-Majin e 2013-ës, duke arritur në shifrën e 634,622 ton mallra ose 68,644 ton më pak mallra të eksportuar se e njëjta periudhë e një viti më parë.

Kjo diferencë prej 68,644 tonësh ka ardhur kryesisht nga minerali i Hekur-nikelit, i cili në vitin 2013-ës pati një rritje të eksportit të tij, si dhe nga paksimi i eksporteve të çimentos.

Kjo diferencë është zbutur nga eksporti i mineralit të kromit i cili në këtë fillim viti duket disi më pozitiv si dhe nga eksporti i klinkerit. Ndikim negativ ka pasur edhe tonazhi i eksportuar me kontenierë por që në periudhat që do të vijnë mendohet që do të ketë rritje dhe do të ndikojë pozitivisht në treguesit e eksportit në muajt në vijim.

Duke ju referuar të dhënave të importit, bëhet e ditur, se mallrat që kanë hyrë nëpërmjet Portit të Durrësit kanë pasur një rritje me 9% ose 70,978 ton mallra të importuar më shumë se e njëjta periudhe e një viti më parë, përgjatë të cilit (pesë mujori 2013 ) janë importuar 747,152 ton mallra përkundrejt 818,130 ton të importuara gjatë pesë mujorit 2014.

Leave a Reply

%d bloggers like this: