Home / Parlamentare / Rama: Reformat dhanë rezultate edhe në luftën kundër korrupsionit

Rama: Reformat dhanë rezultate edhe në luftën kundër korrupsionit

Kryeministri i vendit Edi Rama gjatë fjalës së mbajtur në seancën plenare ka përmendur disa nga arritjet e qeverisë. Rama tha se lufta kundër korrupsionit ka dhënë frytet e para dhe për këtë ai përmendi edhe raportin e publikuar dje nga Transparency International.

“Arsyeja pse mora fjalën lidhet me domosdoshmërinë për të ballafaquar përballë shqiptarëve dy filozofi krejt të ndryshme nga njëra-tjetra që lidhen me qasjen kundrejt sektorit privat si një parter potencial për të zhvilluar ekonominë dhe për të rritur cilësinë e shërbimeve. Dua ta filloj nga një fakt i Transparency International që e vendos Shqipërinë në një vend shumë më të mirë sesa një vit më parë dhe faktikisht në një vend që ka përmirësim në klasifikimin e TI krahasuar me momentin kur kjo qeveri filloi punën e saj prej 36 vendesh”, deklaroi Rama.

Më tej kryeministri akuzoi opozitën se ka ulur në mënyrë brutale imazhin e vendit.

“Ju që vazhdoni të jeni jo opozita por qeveria e vjetër e këtij vendi nga viti 2008 kur Shqipëria ishte renditur në vendin e 85-të  arritët ta çoni në 2013 në 116, pra çdo vit keni ulur në mënyrë brutale dinjitetin dhe imazhin e vendit tonë në këtë klasifikim. Ndërkohë që sot ne kemi një të dhëna nga një burim ndërkombëtar faktin se reformat kanë filluar të japin rezultate edhe në luftën kundër korrupsionit”, tha kryeministri.

Leave a Reply

%d bloggers like this: