I akuzuar për vrasje, lirohet pas 43 vitesh izolim

Albert Woodfox, njeriu që qëndroi për 43 vite në izolim, është liruar nga burgu i Louisianas. 69-vjeçari mbahej në izolim që nga prilli i vitit 1972 me akuzën për vrasjen e një roje burgu.

Përgjatë 43 viteve, ai mbahej në izolim për 23 orë në ditë, ndërsa në orën e mbetur ai dërgohej për “stërvitje në oborr”, por edhe aty mbahej i veçuar nga të tjerët dhe i prangosur.

Woodfox u shpall fajtor për vrasjen e Brent Miller, një roje burgu, por ai asnjëherë nuk e kishte pranuar akuzën. Pas një beteje të gjatë ligjore me prokurorët e Lousianas, ai më në fund pranoi fajësinë duke bërë një marrëveshje me këta të fundit.

Pas daljes nga burgu, Albert tha se gjëja e parë që do të bënte ishte të vizitonte varrin e nënës së tij që kishte vdekur gjatë kohës që ky kishte qenë në burg, ndërsa autoritetet nuk e kishin lejuar të merrte pjesë në varrim.

Albert Woodfox ishte pjesë e grupit të ashtuquajtur “Treshja e Angolës”, ndërsa dy anëtarët e tjerë, Robert King dhe Herman Wallace u liruan në vitin 2001, respektivisht 2013.