Maqedonia

Kryqi në Butel, tërhiqen protestuesit e BDI; marrëveshje me VMRO

Zyrtarët e Bashkimit Demokratik për Integrim mbrëmjen e së premtes kanë ndërprerë protestën kundër ndërtimit të një kryqi në komunën e Butelit.

Ata kanë çmontuar çadrat e vendosura në vendin ku ishte parashikuar të ndërtohej kryqi i lartë 56 metra.

Nënkryetari i BDI-së, Izet Mexhiti tha se me ndërmjetësim të faktorit ndërkombëtar, partnerët e koalicionit qeveritar VMRO dhe BDI kanë arritur një marrëveshje që kryqi të mos vendoset.

Jo zyrtarisht mësohet se në vend të simbolit fetar të krishterë do të ngrihet një flamur kombëtar maqedonas.

Ndërkohë, para se të arrihej marrëveshja, dhjetëra të rinj maqedonas nga komuna e Butelit kanë tentuar të afrohen tek kampi ku protestonin shqiptarët për t’u përleshur me ta, por policia ka parandaluar përshkallëzimin e situatës.

Gjatë përpjekjes për të çarë rrethimin e policisë, protestuesit maqedonas kanë lënduar tre pjesëtarë të forcave të rendit.

Pas tensionimit të situatës ka reaguar edhe ambasadori i BE-së në Shkup, Aivo Orav, i cili ka bërë thirrje për përmbajtje dhe ka ftuar partitë e përfshira të gjejnë zgjidhje për të normalizuar situatën.

Related Articles

Leave a Reply

Your email address will not be published. Required fields are marked *

Back to top button