Bie nga ballkoni, fëmija në gjendje të rëndë

Një ngjarje e rëndë ndodhi sot në Tiranë, ku një fëmijë u rrëzua nga ballkoni i një pallati, pasi humbi ekuilibrin.

Ngjarja ndodhi në kompleksin e pallateve pranë kthesës së Kamzës, ku fëmija i cili ishte duke luajtur, u rrëzua, dhe mori plagë të rënda.

Në vendin e ngjarjes mbërriti menjëherë policia, dhe fëmija u dërgua në spital për të marrë ndihmën e nevojshme.

Sipas burimeve nga forcat e policisë, dyshohet se fëmija, identiteti i të cilit nuk është bërë ende i njohur, është rrëzuar nga ballkoni i banesës së tij.