Rajoni

Përleshen emigrantët, kaos ne Idomeni dhe Pire

Dy konfrontime midis refugjatëve dhe emigrantëve në dy kampet provizore të Idomenit dhe atë të Pireut në orët e fundit ku ka pasur dhe të plagosur, kanë shkaktuar shqetësim tek qeveria greke, ndërsa shumë media vendase në komentet e tyre thonë se ishte çështje kohe të ndodhte diçka e tillë.

Në kampin provizor më të madh të vendit, në kufirin me Mqedoninë, refugjatët kanë marrë ligjin në duart e tyre duke dashur të linçojnë një refugjat tjetër të cilin e kanë akuzuar se ka dashur të përdhunojë një vajzë 7-vjeçe.

Fotografitë që ka publikuar e përditshmja “Daily Mail” që tregojnë refugjatët e egërsuar që çojnë të akuzuarin për pedofili në postën policore që ndodhet aty pranë, kanë bërë xhirron e gjithë mediave vendase.

Ndërsa ministri grek i Shëndetësisë e ka quajtur Idomenin një Dahau të ditëve të sotme i shkaktuar nga mbyllja e kufijve, qeveria greke ka shpërndarë fletushka në tre gjuhë, në të cilat u shpjegohet refugjatëve të këtij kampi se kufiri është i mbyllur dhe se është e domosdoshme që ata të largohen prej andej dhe të shkojnë në tre kampet e organizuara në Greqinë e Veriut, për të mos vënë në rrezik jetën e tyre.

Ndërsa në Portin e Pireut ku në mëngjesin e së premtes kanë mbërritur nga ishujt edhe dy anije të tjera me rreth 700 refugjatë të tjerë, disa dhjetëra afganë dhe sirianë janë konfrontuar në mbrëmjen e së enjtes, kur po ndaheshin vaktet e ushqimit, për të marrë diçka më tepër.

Në gjithë kampet e vendit tashmë numërohen më shumë se 46 mijë refugjatë.

Related Articles

Leave a Reply

Your email address will not be published. Required fields are marked *

Back to top button