Home / Moda / Pepsi hedh në treg cola-n për hipster

Pepsi hedh në treg cola-n për hipster

Kënaqësia e të provuarit diçka të veçantë që të shpie në kohra të kaluara dhe në kujtime të paharrueshme. Kjo jo vetëm me përbërësit e zgjedhur të një pije shekullore por dhe me imazhin e ri të kanoçes. E kemi fjalën për Pepsin e ri 1893 në dy variantet, atë origjinale dhe atë ginger. Një nga pijet më të dashura të të gjitha kohërave vjen ndryshe me një kualitet të lartë, vintage dhe me përbërës të zgjedhur. Një Pepsi që krijon atmosferë dhe që lufton monotoninë e jetës moderne. Një pije “artizanale” e krijuar për hipster-at e vërtetë (nëse ekzistojnë ende). Largimi i gjithnjë e më shumë nga ushqimi i shpejtë dhe kombinimi i i tyre me krijimet e shefave më në zë, po pushton New York-un. Rikthimi në një ushqim më të shëndetshëm është një lajm inkurajues edhe pse dyshojmë se një pije mjaft kalorike si cola e përbërë kryesisht nga sheqeri do të ishte më e shëndetshme se një gotë natyrale uji. Megjithatë ky versioni i ri i Pepsit na pëlqen sidomos me akull në ditët me temperatura të larta.

Leave a Reply

Your email address will not be published.