Durant e do edhe një rast për të arritur në finale
Njëri nga basketbollistët më të mirë amerikan viteve të fundit, Kevin Durant është kthyer të flasë rreth humbjes së finales në konferencës e perëndimit kundër San Antonio Spurs. Ylli i Oklahoma City Thunder, flet edhe për sezonin dhe pritshmëritë e tij nga qendra stërvitore e Shteteve të Bashkuara në Las Vegas.
“Kam reflektuar gjatë rreth ngjarjeve të sezonit të fundit. Ne kemi një skuadër të mirë dhe duhet të kërkojmë që këtë sezon të bëjmë më mirë. Nuk kam pësuar dëmtime dhe kjo është një gjë pozitive. Jam shumë i lumtur që bëj pjesë në një skuadër si Oklahoma dhe shpresoj që t’ia shpërblej besimin shoqërisë. Ndeshjet e ‘play-off’ janë të një niveli tjetër pasi ka shumë intensitet dhe këtë vit do të kemi një tjetër shans për të arritur finale”, u shpreh Durant, transmeton Tribuna.
Tutje, Durant dha edhe një koment në lidhje me lëvizjen e bujshme, atë të rikthimit të LeBron James te Cleveland Cavaliers. “Më vjen mirë që ai u rikthye të përfaqësojë qytetin ku lindi dhe u rrit. Gjesti i James tregon se sa shumë e dashuron ai Cleveland dhe ekipin e atij qyteti. Ai e nisi karrierën aty dhe tashmë dëshiron të fitojë diçka të rëndësishme, prandaj veprimi i tij duhet respektuar”, ka përfunduar Durant.
